Stýrið eða skrúfan??

Hvað er rétt í þessari frétt? Datt stýrið af eða skrúfublað?
".. Skrúfa og vél skipsins voru í lagi en skrúfublaðið reyndist dottið af..."

Stýrið féll af á leið út ósinn

Skátaaðferðin

Ég, ásamt um 25 skátaforingjum, sat kynningarfund í Hraunbyrgi á nýju dagskránni fyrir skátana sem ber það einfalda nafn skátaaðferðin. Ekki ætla ég að taka afstöðu til hennar enda veit ég ekki nægilega mikið ennþá auk þess sem við sáum aðeins bækur fyrir yngsta skátahópinn, drekaskáta. Fyrir þá sem lítið vita um skátastarf þá kallast jú yngstu skátarnir drekaskátar, næsti aldurshópur, drekaskátar, unglingarnir dróttskátar og eldri unglingar roverskátar. Svona í grófum dráttum.

Það sem mér, sem verandi orðnum gömlum ref í skátastarfi, fannst mest gaman var umræðan sem spratt upp um grundvallarmarkmið skátastarfs og raunveruleikann í skátastarfi. Ekki síst umræðuna eftir fundinn við unga skátaforingja. Mér fannst ég upplifa svolítið gamla tíma og sannan áhuga og minnti mig svolítið á upplifun mína af umræðu dróttskáta í Botnsdal 1972 þar sem Gutti, Guðbjartur Hannesson (nú ráðherra) bar höfuð og herðar yfir aðra í umræðunni.

Það var mikið rætt um aðkomu fullorðinna skáta í skátastarfið, fullorðinna sem höfðu upplifað skátastarf og áttu góðar minningar. Hvernig ná má betur til þessa fólks, gefa því tækifæri á að fylgjast með, taka þátt sér til gamans og skátunum til gagnst. Sennilega er alltof lítið leitað til eldri skáta um ýmislegt smálegt í skátastarfi, aðstoð við hluta úr fundi, útilegu, verkefni eða hvað annað þar sem þekking eldri skátans nýtist vel. Það þarf ekki alltaf að gleypa þá fullorðnu með skó og húfu.

Það var líka gaman að fylgjast með Hraunbúanum Ólafi Proppé sem kominn er á eftirlaun og hefur gefið sig allan í þetta verkefni fyrir skátahreyfinguna. Emaleraða heiðursmerkið frá Hraunbúum hékk í skátaskyrtunni, hann var með Gilwell klútinn sinn og geislaði af áhuga og maður fann að hann byggði mikið á reynslu sinni úr góðu skátastarfi fyrr á árum. 

Fundinum lauk með því að sunginn var bræðralagssöngur skáta, allir saman í hring og tókust saman hönd í hönd og stemmningin flott. En það var ekki fyrr en löngu síðar, þegar klukkan var farin að ganga í tólf þegar við komumst út í bíl til að koma okkur heim.

Mér fannst kvöldinu vel varið og vonandi á fólk eftir að sjá betur hversu gríðarlega mikilvægt uppeldisstarf skátastarfið er - starf þar sem ævintýri og gleði ræður ríkjum.

Ávallt viðbúinn! 

Sofandi stjórnmálamenn og áhugalausir

Að það sé drasl í landi Hafnarfjarðar (og reyndar líka Grindavíkur) er því miður ekki nýmæli. Stjórnmálamönnum hefur verið marg oft bent á þetta, bæði í ræðu og í riti. Umhverfisnefnd Hafnarfjarðar hefur verið meira en ónýt í þessum efnum og ekkert gert en nefndin hefur verið lögð niður - ekki þess vegna - heldur vegna sparnaðar.

Sumt af þessu drasli sem finna má er mjög gamalt, annað er nýrra.

Ekki er hægt að kenna stjórnmálamönnum um það að fólk leggist svo lágt að það hendi drasli á víðavangi og starfsmenn bæjarins hafa verið fljótir til þegar t.d. Fjarðarpósturinn hefur sagt frá slíkum tilfellum. Dæmi eru líka um að fólk hefur komið úr nágrannasveitarfélagi og hent drasli út fyrir veg í Hafnarfirði.

En vörubílar hafa líka komið í bæinn frá öðrum sveitarfélögum - með leyfi bæjaryfirvalda - og sturtað jarðvegi og verið með í að búa til eina mestu jarðfyllingu sem þekkist á höfuðborgarsvæðinu - jarðfyllingu sem menn komust hjá að setja í umhverfismat. Og þar er ekki verið að tala um einn og einn vörubíl! Langt í frá. Þetta var gert í skjóli þess að verið væri að fylla ofan á gamlan öskuhaug en farið var langt út á ósnortið land og ekkert er farið að bóla á jarðmótuninni sem átti að vera lokaskrefið. Enn er verið að losa jarðveg og stækka jarðfyllinguna.

Endurvinnsla á jarðvegi er ekki til í Hafnarfirði og engin stefnumótum er til um slíkt!

Víða í yfirgefnum námum leika byssumenn sér við að skjóta úr haglabyssum og hafa gert óáreittir í fjölda ára. Afraksturinn er milljón haglabyssuskothylkja sem liggja á jörðinni öllum til ama og sundurskotnir hlutir á víð og dreif.  Hefði ekki verið nær að fylla þessar námur í stað þess að búa til fjall við Hamranes.

Yfirmenn bæjarins og stjórnmálamenn geta ekki skýlt sér á bak við vanþekkingu. Marg oft hefur verið bent á þetta drasl. Búið er að leggja umhverfisnefndina niður og umhverfis- og framkvæmdaráð yfirtekið starfsvið hennar. Í skipulags- og byggingarráði situr fv. formaður umhverfisnefndar og henni hefur verið bent á draslið. Hafa einhverjar tillögur komið fram? Eða aðgerðir?

Mikið af þessu drasli er búið að vera þarna um áraraðir sem segir okkur það að bæjaryfirvöld hafa haldið fyrir bæði augun og eyrun. Nú er kominn tími til aðgerða. 

Yfirgengilegur sóðaskapur

Að verða jafn galnir og hinir!

Fyrir einu og hálfu ári fór ég að hlaupa. Ekki svo að ég hafi þurft að drífa mig eða flýja eitthvað. Ég hafði reynt áður en aginn var enginn og gönguskórnir hörðnuðu af notkunarleysi. Þá hafði ég lengi séð snaróða hlaupara sem hlupu alla daga, ótrúlegar vegalengdir. En svona ætlaði ég ekki að verða.+

Í mesta lagi nokkra km í hvert sinn. Á fyrstu æfingunni hljóp ég nokkra km í snarvitlausu roki, ég píndi mig svo ég gæti verið a.m.k. verið í miðjum hópi. Þó ég hafi vart getað gengið niður stiga næstu dag, mætti ég á næstu æfingu og með því varð ég eins og hinir, jafn galinn hlaupari. Eða hvað?

Ég hef að vísu ekki keppt mikið, aðallega í FH-hlaupum. Ein fyrsta keppnin var 10 km í meistaramóti Íslands á braut, ein leiðinlegasta keppni sem til er - 25 hringir á braut! Þá var keppt í Kaldárhlaupinu, tæpra 10 km hlaup á mjög skemmtilegri leið í desember með þó nokkurri lækkun. Sennilega var það skemmtilegt hlaup vegna þess að ég náði bara ágætum tíma.

Atlantsolíuhlaupin urðu tvö hjá mér, 5 km hlaup meðfram ströndinni í Hafnarfirði, en einhvern veginn fann ég mig ekki í hvorugu hlaupinu, þó ég geti hafa verið ánægður með tímann.

En fyrsta alvöru hlaupið með flögu festa við skóinn og viðurkenndum mælingum var Miðnæturhlaupið þar sem ég stefndi undir 1:50. Ég hlaup af stað með hlaupafélaga með hlaupaúr á hendinni en eftir nokkurn tíma missti ég af honum þegar ég skaust fram úr manni sem ég var að því kominn að stíga á hælana á. Þá hljóp ég einn næstu km og var farinn að halda að ég væri bara að sprengja mig á og miklum hraða. Þá birtist annar hlaupafélagi með hlaupaúr og upplýsti mig um fínan hraða og hvatti mig áfram og saman hlupum við í gegnum 5 km markið á mínum besta tíma og tíma sem hefði dugað mér í 2. sæti í mínum aldursflokki. En þá skildu leiðir og ég sá hlaupafélagann minnka og minnka. Sem betur fer birtust ekki margir hlaupafélagar, einn þó sem hvatti mig, og ég hljóp í mark eftir góða hvatningu frá leiðtoganum á hliðarlínunni rétt fyrir markið. Hann kallaði einhvern tíma sem ég trúði vart en varð að gera þegar ég hljóp í gegnum markið á undir 45 mínútum. Flögutíminn reyndist 45:47, minn langbesti tími.

En til marks um að ég hef lítinn hemil á vitleysunni fór ég strax að hugsa að kannski hefði ég getað gert betur ef ég hefði þekki hlaupaleiðina og æft meira. Ótrúlegt að maður geti ekki fagnað án svona truflana!

Ég hafði rétt fyrir hlaupið skráð mig í hálft maraþon í Köln í byrjun október. Margir höfðu hvatt mig til að skrá mig í heilt maraþon og sú hugsun kom upp einhvern tíman þegar ég sá færslu eins hlaupafélagans sem skráði sig í hálft marþon. (..ef hann getur, þá get ég..) Sem betur fer hristi ég þá hugsun af mér enda sá ég ekki hvernig ég ætti að drepa tímann eftir 21 km. Taka með mér bók??

En laugardaginn eftir Miðnæturhlaupið setti ég lengdarmet, hlaup 25 km. Þá held ég að það sé að sannast að hlaupadellan er eins og vírus sem hægt og rólega sigrast á vírusvörnunum. Samt ætla ég að berjast gegn galskapnum og stefni að því að hafa áfram gaman að því að hlaupa með skemmtilegum hlaupafélögum og ég get sagt það hér, þar sem enginn les þetta nema tengdamamma, að í Hlaupahópi FH er samansafn af flottu fólki sem er virkilega skemmtilegt að hlaupa með. Þjálfararnir eru ólatir við að hvetja mann áfram og hrósa og það virkar jafn vel og þegar maður var krakki. Ég vildi ég væri svona duglegur að kunna hróstæknina! 

Ég treysti mér til að hlaupa heilt maraþon en mig langar ekki. Þar set ég mörkin í brjálæðinu :) 

Lögreglan kemur greinilega ekki í Hafnarfjörð

http://logreglan.is/displayer.asp?cat_id=1042&module_id=220&element_id=17307

Í Hafnarfirði virðist lögreglan telja að þar eigi ekki að amast við því að ólöglega sé lagt. Verst er þegar ekkert er að gert þegar lagt er á gangstéttar og gangandi hraktir út á götu.
Lögreglan segir að Hafnarfjarðarbær eigi að taka á málinu en það er alveg skýrt hver eigi að sjá um löggæslu í þessu landi.
Það er kominn tími til að lögreglan bretti upp ermarnar í Hafnarfirði og sinni því að sekta skussana sem leggja uppi á gangstéttum.

Óviðunandi ástand við íþróttavelli

Á að breyta lögum eftir hentistefnu einstakra þingmanna?

Hvað er það sem þingmaðurinn hefur í huga þegar sett eru lög? Að þegar að fara á eftir þeim og þau passa ekki þingmanninum - þá eigi bara að breyta þeim?  Til hvers er að hafa ákvæði í lögum sem í raun þingið á að fara eftir ef þeim er svo breytt hverju sinni?

Greinilegt að þingmaðurinn ber enga virðingu fyrir lögum og lagasetningu.

Reynir að hrauna yfir mig

35% hækkun á heitu vatni - 40% hækkun á dreifingu raforku!!!

Ég held þeir ættu að skera niður í montdeildinni sinni, stóru upplýsingadeildinni og þeir hafa ekki efni á að vera með listasafn starfandi. Þetta fyrirtæki þarf að skera alla fitu burt og vera rekið sem veitustofnun til hagræðingar fyrir neytendur.

28,5% hækkun á gjaldskrá

Hvað er "frönskurnar"

Hvað ætlar mbl.is að kalla grænu eplin? "Grænin"???
Verður maður ekki að gera kröfur til að fjölmiðlar noti í a.m.k. sæmilegt mál?

(svo eru svona kartöflur ekki einu sinni franskar :) )

Frönskurnar verða styttri

Vildi sjá lögregluna að störfum í Hafnarfirði

Þrátt fyrir nýjar reglur bólar lítið á að lögreglan sinni sínu starfi við að sekta skussana í Hafnarfirði.

Vildi sjá lögregluna að störfum í Hafnarfirði

Þrátt fyrir nýjar reglur bólar lítið á að lögreglan sinni sínu starfi við að sekta skussana í Hafnarfirði.

Sjálfstæðismenn sektaðir