Tveir listar og sjálfkjörið?

Hvað segir þessi frétt mér? Tveir listar voru lagðir fram og sjálfkjörið var í ráðið. Var þá ekki kosið? Þarna vantar eitthvað.

Nýtt bankaráð Seðlabankans

Athugasemdir

[Jakob Falur Kristinsson, 16.3.2009 kl. 18:02]

Alþingi skipar í bankaráð Seðlabankans og þessir tveir listar voru listar stjórnarliða og stjórnarandstæðinga.  Þar sem listi stjórnarlið hefur meirihluta ræður það hverjir verða í bankaráðinu.  Það er að vísu rétt hjá þér að ekki var sjálfkjörið í bankaráðið.  Klaufalegt orðalag.

[Sigríður Hrönn Elíasdóttir, 16.3.2009 kl. 18:17]

Alþingi skipar í bankaráðið já en þetta kallast hlutfallskosning, þ.e. minnihluti "á" ákveðinn fjölda aðal- og varafulltrúa sem er samt minni hluti ráðsins. Engar kosningar fara fram, einungis lagðir fram listar með nöfnum fulltrúanna. Samsvarandi er þegar hlutfallskosning fer fram í hlutafélögum en þar þarf að fara fram á slíkt skriflega með ákveðnum tímamörkum fyrir aðalfund.

[Heiðar Sigurðsson, 16.3.2009 kl. 18:25]

Ef meiri hlut Alþingis leggur fram einn lista og minnihlutinn leggur fram annan, er þá ekki sjálfgefið hvor listinn verður fyrir valinu?   Annars væri nú ekki mikil samstaða í meirihlutanum,

[Guðni Gíslason, 16.3.2009 kl. 18:35]

Þetta er einfalt dæmi um óvandaða frétt. Það er ekkert sjálfgefið að fólk viti um þessa hlutfallakosningu enda má alveg eins skilja á fréttinni að hvor fylkingin hafi lagt fram lista yfir nýtt ráð.

En Heiðar, það er allt annar hlutur að nýta meirihlutann, sjálfkjörið getur aðeins orðið ef ekkert annað er í boði. Í þessu tilviki virðast fylkingarnar haf lagt fram lista yfir nöfnum síns hluta í ráðinu. Þá eru ekki fleiri í framboði til bankaráðsins en eiga að sitja í ráðinu.

Ég geri enn kröfur til Moggans :)