Ómerkilegur fréttaflutningur - tekið upp eftir óvönduðum blaðamönnum

Hvers vegna kýs mbl.is að lepja óstaðfestar "fréttir" frá Fréttablaðinu? Virðist ekki reyna að kanna hvort fótur sé fyrir fréttinni.

Birtir svo ekki yfirlýsingu skátahreyfingarinnar um málið?

Hún er svona:

Fréttatilkynning
2. feb. 2017

„Stjórn Bandalags íslenskra skáta (BÍS) vill koma eftirfarandi á framfæri vegna umræðu í fjölmiðlum um meint fjármálamisferli fyrrverandi framkvæmdastjóra hreyfingarinnar. Í kjölfar uppsagnar fyrrverandi framkvæmdastjóra tók stjórn BÍS ákvörðun um að fá óháðan aðila til að rannsaka fjárreiður BÍS. Þeirri vinnu er ekki lokið, en samkvæmt bráðabirgðarskýrslu löggilts endurskoðanda liggur fyrir að ekkert bendi til þess að um saknæmt athæfi að ræða hvað varðar fjársýslu fyrrverandi framkvæmdastjóra. Niðurstöður bráðabirgðarskýrslunnar voru kynntar af viðkomandi endurskoðanda á félagsforingjafundi sem haldin var þann 14. janúar síðastliðinn. Á fundinum ítrekaði endurskoðandinn að hann teldi ekki, á grundvelli þeirra gagna sem lægju fyrir, að um neitt saknæmt athæfi væri að ræða af hálfu fyrrverandi framkvæmdastjóra. Á félagsforingjafundinum gafst öllum hlutaðeigandi tækifæri til að tjá sig um málið og náðist ákveðin sátt um deilumálin, meðal annars um fjármál fyrrverandi framkvæmdastjóra.fundarins. Framundan er aukaskátaþing og svo kjör nýs skátahöfðingja.

Stjórn Bandalags íslenskra skáta.“


mbl.is Notaði kortið í eigin þágu
Tilkynna um óviðeigandi tengingu við frétt

Vefmiðill Samfylkingarinnar

Skondið að fela pólitíska tengingu vefmiðilsins. Þetta er óobinber vefmiðill Samfylkingarinnar þar sem oddvitinn ræður ríkjum. Alltaf best að koma hreint fram :) Undarlegt að mbl.is láti platast.


mbl.is 5% barna fái fría vist á leikskóla
Tilkynna um óviðeigandi tengingu við frétt

Eru þá bakteríur í frumum líkamans?

Fyrirsögnin er ekki alls kostar rétt! Það eru engar bakteríur í frumum líkamans eins og lesa má út úr fyrirsögninni.


mbl.is Fleiri bakteríur í þörmum en frumum líkamans
Tilkynna um óviðeigandi tengingu við frétt

Íslensk ættaði?

Enginn útlendingur má míga tvisvar í íslenskan kopp þá er hann sagður Íslandsvinur af íslenskum fjölmiðlum. Eigi menn hins vegar íslenska foreldra þá afneita fjölmiðlar viðkomandi og segja hann aðeins íslensk ættaðan. 

Til upprifjunar léku báðir foreldrar Hans með FH á sínum yngri árum. Reyndar mætti telja Hans af færeyskum ættum því annar afi hans er færeyskur.


mbl.is Lindberg tryggði Dönum sigur
Tilkynna um óviðeigandi tengingu við frétt

Eigum að fá að velja pin númer

Það er löngu kominn tími til að afnema undanþágur. Þetta var gert með smelli í öðrum löndum er mér sagt. Hins vegar geta Danir valið sér pin númer og er það eðlilegt. Margir eru með nokkur kort og ómögulegt að muna öll pin númerin. Þá skrifa með þau hjá sér og öryggið hrynur.

Fáum rétt til að velja pin númerin okkar!


mbl.is Engar undanþágur lengur með pinnið
Tilkynna um óviðeigandi tengingu við frétt

Hvernig er hægt að sigra keppni?

Keppnin er ekki keppnauturinn og því vart hægt að sigra hana.

Ótrúlega algengt að sjá og heyra hjá íþróttafréttamönnum en þar er yfirleitt ekki við miklu að búast. Ljótt að sjá þetta.

Magnea Rut sigraði í ljósmyndakeppni! Glæsilegt hjá henni!


mbl.is Sigraði í ljósmyndakeppni
Tilkynna um óviðeigandi tengingu við frétt

Þýtt af vankunnáttu!

Blaðamaður!! Lestu fréttina á BBC aftur. Það er ótrúlegt að lesa svona villandi frétt.
mbl.is Hætta sölu Windows 7 og 8
Tilkynna um óviðeigandi tengingu við frétt

Döpur myndbirting

Eru menn virkilega að reyna að vera fyndnir með því að birta mynd af málbandi saumakonu í stað málbands byggingarmanns, sem eins og fréttin bar með sér, var hefðbundið stálmálband í hylki og krækt í belti mannsins og olli dauða annars manns? Ef ekki hver er þá tilgangurinn með þessari fáránlegu myndbirtingu?


mbl.is Fékk málband í hausinn og dó
Tilkynna um óviðeigandi tengingu við frétt

Fellur niður ef lántakandinn deyr - en ábyrgðin ekki ef ábyrgðarmaðurinn deyr!

Er þá ekki rétt að höfða mál á hendur framkvæmdastjórum og stjórnum Lánasjóðs íslenskra námsmanna sem hingað til hafa ekki sinnt þessari skyldu sinni sem framkvæmdastjórinn núverandi nefnir? Eingöngu hefur verið gengið að eftirlifandi ábyrgðarmönnum þar til nú. Er það ekki rétt?

Hvar var vilji þingmanna? Af hverju vildu þeir ekki fella niður ábyrgðirnar árið 2009? Það er eins vitlaust og það hljómar að ríkið láti þriðja aðila ábyrgjast námslán til þegna sinna.

Ef það er einhver dugur í einhverjum þingmanni þá ætti hann að taka þetta strax upp og fella niður allar ábyrgðir á eldri námslánum. 


mbl.is Eiga endurkröfu á stjúpsoninn
Tilkynna um óviðeigandi tengingu við frétt

Óvandað málfar - líka hjá skólafólki

Hvað ætli Mbl.is fái mikið greitt frá umboðsaðili Ipad spjaldtölvanna?

Ég hef líka heyrt skólafólk í Hafnarfirði tala um æpadda. Af hverju má ekki nota orðið spjaldtölva eða bara tölva? Börn gætu alveg eins lært sömu hluti á tölvu.


mbl.is Læra að draga til stafs í iPadnum
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband