Kallast þetta ekki bensínþrýstingur?

Hvaða bensínpressa er þetta? Eitthvað skylt við buxnapressu?

Räikkönen stefnir á stigasæti

Athugasemdir

[Ágúst Ásgeirsson, 15.3.2008 kl. 14:12]

Breytti pressu í þrýsting. Þakka þér annars áhugann á formúluvefnum. Og takk fyrir Fjarðarpóstinn frá gömlum Hafnfirðingi sem les hann í viku hverri á netinu hér í Frakklandi frá því hann yfirgaf bæinn og fluttist hingað út sumarið 2005. Reyndar finnst mér orðið of langt frá því einn besti penninn lét síðast frá sér heyra í blaðinu, vinur minn Ómar Smári stórpólití.

[Guðni Gíslason, 15.3.2008 kl. 17:05]

Sæll Ágúst, gaman að heyra frá þér og ekki síður að þú lesir Fjarðarpóstinn reglulega á netinu, það er alltaf gaman að fá staðfest hversu alþjóðlegur hann er orðinn .

Ég er alltaf að reyna að sannfæra aðra að ég sé svo lítill áhorfandi að íþróttum, mér finnst einhvern veginn eðlilegra að menn taki þátt og góður vinur minn og bekkjarbróðir Sigurður Tryggvi Sigurðsson er gott dæmi um það hversu lengi menn geta verið í fremstu röð - svo maður tali ekki um fleiri Hafnfirðinga eins og Óla G.H. Þórðarson Norðurlandameistara í sundi öldunga og vin minn Trausta Sveinbjörnsson sem er hlaupagikkur eins og þú.

Þrátt fyrir þetta datt ég hvað eftir annað í að horfa á formúlukappaksturinn þó tuðandi hvað þetta væri tilgangslaust að horfa á þetta, maður biði bara eftir bilunum eða útafakstri þar sem svo oft aðstæður leyfa ekki framúrakstur. (álíka spennandi og að aka Sandskeiðið heim á sunnudögum). Nú fæ ég nógan tíma því ég er einn þeirra sem læt duga að borga fyrir ríkisútvarpið og því sé ég ekki formúluna lengur. Kannski maður fylgist þá meira með vefnum og Norðurlandabúanum, maður verður að halda með "sínu" fólki :).

[Guðni Gíslason, 15.3.2008 kl. 17:06]

p.s. Gleymdi að minnast á vin okkar, Ómar: Hann á örugglega eftir að skrifa meira, ég hef verið of lélegur við að vinna úr efni frá honum.