Hvað finnst skólastjóranum hrottaleg árás?

Það alvarlegasta í þessu máli er að hinir sem voru viðstaddir skyldu ekki blanda sér í slagsmálin. Hvenær hættu samnemendur að stía slagsmálahundum í sundur?

Hins vegar skil ég ekki orð skólastjórans.

Heilahristingur, bólgur, heyrnatruflanir og lausar tennur.  - Skólastjóranum finnst það líklega ekki hrottaleg árás ef hún sjálf hefði verið í sporum drengsins?

Blóðug slagsmál skóladrengja

Athugasemdir

[Finnur Bárðarson, 2.3.2009 kl. 18:17]

Tók hún þátt í árásinni ?

[Ingólfur Þór Guðmundsson, 2.3.2009 kl. 18:27]

"Skólastjóranum finnst það líklega ekki hrottaleg árás ef hún sjálf hefði verið í sporum drengsins?"

Það er bara ein leið að komast að því, með því að ráðast tilefnislaust á skólastjórann, berja úr henni tennurnar, myndi hún kalla það að blása málið upp, eða hugsanlega kalla það slagsmál en ekki árás ?

[Guðni Gíslason, 2.3.2009 kl. 21:25]

Ingólfur, þetta er nú ekki uppbyggileg rökræða. Menn eiga ekki að koma til hugar að berja einhvern þó maður sé ekki sammála honum. Skólastórinn á ekki, frekar en aðrið skilið svona meðferð.

[Ingólfur Þór Guðmundsson, 2.3.2009 kl. 21:55]

Guðni:

ég er hjartanlega sammála, enda var þetta bara svar við spurningu sem skotið var upp hér að ofan.

En miðað við orð skólastjórans eru einhverjir sem eiga tilefnislausar árásir skildar, og kallar hún það "slagsmál". Það að 2 ráðist á 1 verða aldrei slagsmál. Enda var í þessu tilfelli um tilefnislausa árás að ræða sem augljóslega skólastjórinn telur ekki vera stórt atriði og telur vera "blásið upp í fjölmiðlum".

[Birkir Örn (IP-tala skráð) 2.3.2009 kl. 22:59]

Þetta snýst um dreng sem æfir hnefaleika og hefur fengið verðlaun fyrir árangur þar... ekki hvaða 14-15 ára krakki sem er, sem þorir og getur gripið inn í og stoppað hann!

En þetta eru sorgleg viðbrögð skólastýrunnar!

[corvus corax, 3.3.2009 kl. 00:28]

Skólastýran er bara fávís kona sem óttast að upp komist að hún veldur ekki starfi sínu og vanrækir skyldur sínar um forvarnir og viðbrögð gegn einelti og rasisma í grunnskólum. En nú veit öll þjóðin hvað hún er vitlaus í þessum málum af því að hún gerði sig að fífli í viðtalinu á mbl.is. Slagsmál drengja? Þegar ofsækjendur nornaveiðanna bundu nornir og kvöldu þær og píndu áður en þeir brenndu þær, voru þeir bara þátttakendur í slagsmálum ásamt fórnarlambinu. Öfgafullt dæmi? Má vera en enginn eðlismunur þarna, bara stigsmunur.

[Ari Gylfason (IP-tala skráð) 3.3.2009 kl. 22:13]

Bíðið við, hvað er að gerast í þessari umræðu? Má vera að orð skólastjórans (hér eftir skólastýrunnar) hafi verið tekin úr samheni og sett fram á óábyrgan hátt og vegna skorts á vitneskju? 

Eftir því sem ég best veit þá gerðist eftirfarandi: Tveir ganga til verks gagnvart einum einstaklingi. Tveir ganga til verks gagnvart einum einstaklingi,  Þá lætur annar gerandinn högg vaða að fórnarlambinu, sem að því ég hef heyrt voru nokkur. Ok. Drengurinn er færður á sjúkrahús til athugunar og aðhlynningar, gott mál. Ekki það að ég ætli að halda hlífiskyldi yfir geranda/gerendum, en hvað er hægt að gera úr því sem komið er. Jú, skólastjórnendur þ.a.m. skólastýran, eru skyldug til að koma málinu í ferli. Hvað hefur komið fram í fjölmiðlum? Daginn sem skólastýran var í viðtalinu við Þóru Kristínu á mbl.is, þá kemur fram að nemandinn væri ekki í skólanum, málið hafi verið sent barnaverndaryfirvöldum, félagsmálayfirvödum og sent til skólaráðs bæjarins til frekari umfjöllunar. 

Ég segi gott og vel, flestir samfélagsþenkjandi borgarar hafa sagt og/eða hugsað látum verkin tala því það er jú eini sannanlegi mælikvarðinn. Mín tilfinning er sú að Skólastýra Grunnskólans í Sandgerði hefur sinnt sinni skyldu og sett málið í ferli eins og skólastjórnanda er sæmandi og ætlast er til af. Það að kynna sér ekki málin eilítið áður en farið er fram þeim hætti sem margir hafa gert hér í bloggheimum, er innantómt raus og dæmist af sjálfu sér. Mikil reiði, ákafi, skortur á efni viðfangsefnisins eru hluti af einkennum þeirra sem vaða fram í villu sinni, en þetta eru jú bloggheimar og því geta allir tölvubærir sagt sína skoðun, hvort sem eitthvað er á bak við hana eða ekki. Það er jú eins og fólk talar um málfrelsi á Íslandi.

Árásin átti sér ekki forsögu varðandi gerendur og fórnalamb, þ.a.l. má segja tillefnislaus með öllu. Hins vegar er það svo að hvað sem skólastýran hefur sagt, þá er það á hreinu að málið er komið í ferli áður hefur komið fram. Skólastýran hefur unnið sína vinnu af vandvirkni í þessu máli hvernig dóm sem við kunnum að leggja á orðaval hennar.

ps. þessi líking hjá Corvus Corax er fyndin, mér finnst að skondnir menn eigi ekki að vera feimnir við að koma fram undir eigin nafni.