Hvernig er það með femínista, þekkist þar ekki hugtök eins og fyrirgefning, betrun og iðrun?

Alveg er það makalaust hvað fyrirgefning er orðin á undanhaldi. Blaðamaður RÚV mátti ekki vamm sitt vita af hneykslun og ágangi í frétt um fjármálastjóra KSÍ um daginn. Var maðurinn ekki uppvís að dómgreindarleysi? Liggur ekki skömmin hjá honum? Vilja femínistar kannski nudda konunni hans upp úr þessu? Hvað vilja menn með afsögnum?

Femínistar segja KSÍ hafa brugðist

Athugasemdir

[Halldóra (IP-tala skráð) 7.11.2009 kl. 16:31]

Guðni minn, ég sé hér að þú varst fyrir skömmu að krefjast þess að íþróttafréttamaður "segði af sér" vegna orðanotkunar.

En Pálmi hjá KSí var einmitt uppvís að dómgreindarleysi og því nauðsynlegt að hann hætti ef KSÍ vill endurvinna sér traust. Þetta félag fær styrki frá ríki og bæjum, og furðulegt ef það er í lagi að fjármálastjórinn noti greiðslukort þess á strippstöðum. 

[Haukur Viðar, 7.11.2009 kl. 16:41]

Auðvitað á maðurinn að segja af sér. Ef hann gerir það ekki þá á að sjálfsögðu að láta hann fara. Hvort sem hann endurgreiddi þetta eða ekki.

[Dexter Morgan, 7.11.2009 kl. 17:09]

Á að segja af sér ??? Hefði átt að vera búið að REKA hann fyrir löngu. KSÍ-klíkann í hnotskurn þarna að verki

[Guðni Gíslason, 7.11.2009 kl. 18:32]

Auðvitað er það hans að dæma hvort að hann eigi að segja af sér. Skv. fréttum virðist hann ekki hafa brotið nein lög og ekki einu sinni notað kortið á þessum stað (hvernig svo sem svikararnir komust yfir kortanúmerið). KSÍ hlýtur að taka afstöðu til málsins og dæma hvort hann hafi brotið af sér í starfi. Það er ekki einhverra femínista að dæma um það. Hvað ef kort KSÍ hefði ekki komið við sögu, hver væri afstaða femínista??

[Páll Geir Bjarnason, 7.11.2009 kl. 19:16]

Eru ekki allir skemmtistaðir í Sviss eftir klukkan 12 á miðnætti staðir sem bjóða uppá fáklæddar konur dansandi? Finnst dómharkan á Netinu yfirgengileg. Við vitum ekkert um aðstæður kringum þetta mál. Það er ekki hægt að reikna með að allt sé eins og á Íslandi.

[Gudmundur (IP-tala skráð) 7.11.2009 kl. 21:09]

Sammála greinarhöfundi. Dómharkan og rökleysan ríður húsum. Ef menn lesa fréttina og yfirlýsingar þá voru kreditkortin misnotuð af óprúttnum aðilum sem að hafa hlotið dóm fyrir þann verknað. Er það ekki manninum til hróss að hann hafi sótt rétt sinn og hreinsað orðspor sitt. Fólk er fífl! Hvað hafa femínistar fram að færa í málinu ekki meira heldur en vanalega þar sem að konur eigi helst að vera í öllum embættum og ráðum og stjórna svo helst til öllu. Við erum sem betur fer með heilbrigt kvenfólk inn á milli og það bjargar málunum hjá okkur, ekki meint sem vanvirðing við Femínista heldur hitt að þær konur sem þar eru í stjórn hefðu mátt renna í grun að umræddur aðili á kannski fjölskyldu og svo framvegis. Er ekki eðlilegt að fólk skoði málin í samhengi og hefði félagið ekki getað skrifað KSI bréf í stað þess að slá sig til riddara með lágúrulegri fréttatilkynningu.

[Árni Gunnarsson, 7.11.2009 kl. 23:09]

Íslenskir knattspyrnumenn hafa það orð á sér erlendis að vera stórhættulegir á miðjunni enda sagðir flestum öðrum miðjusæknari. Þessi fékk að lokum að taka sex vítaskot og minotaði þau víst öll svo hrikalega að honum var vísað af leikvelli með rauða spjaldið. Hann var að reyna að múta dómaranum með þessu fjandans korti.

[Hermann (IP-tala skráð) 8.11.2009 kl. 00:52]

Jú við skulum fyrirgefa öllum sem sýna skort á siðferði, útrásarvíkingum, stjórnmálamönnum og öllum sem gerðu allt sem þeim datt í hug og var í lagi á meðan það komst ekki upp.  Hvaða barnaskapur er að halda því fram að óprúttnir aðilar hafi "komist yfir kortið" hann notaði það maðurinn og það skal enginn reyna að segja mér neitt annað og það er spilling og það af verstu gerð.

[Geir (IP-tala skráð) 9.11.2009 kl. 15:33]

Þetta sýnist mér vera aum tilraun til að skjóta skjóli yfir FH-félaga þinn,

Guðni. Þeir sem hafa minnsta vott af sóma í sjálfum sér hljóta að segja af

sér eftir að hafa verið staðnir svona illilega að verki.

Klíka og spilling þrífst sérlega vel á Íslandi því það eru alltaf til

einhverjir "bak-klórarar" sem eru tilbúnir að taka upp hanskann og verja

þann sem er uppljóstraður.

Spillingin og bruðlið í tíð Eggerts hjá KSÍ var vel þekkt og ekki er ég viss um að það hafi orðið einhver kúvending í þeim málum eftir að Geir Þorsteins tók þar við sprotanum og gerði það að sínu fyrsta verki að breyta starfi sínu sem formaður launað starf.

Það er kominn tími til að taka á málunum og KSÍ þarf að gera hreint fyrir sínum dyrum! KSÍ hlýtur að setja Pálma af ef hann sér ekki sóma sinn í því að stíga til hliðar sjálfur.

[Guðni Gíslason, 9.11.2009 kl. 15:56]

Þarna skýtur þú fyrir neðan beltisstað Geir. Ég var búinn að mynda mér skoðun á málinu áður en ég vissi hver maðurinn væri enda skiptir persóna hans ekki máli heldur aðferðafræðin. Ég get ekki dæmt hvað er rétt í málinu, það er ekki komið fram. Aftökur á netinu án þess að staðreyndir liggi fyrir geta ekki verið af hinu góða. Fyrir utan það að það sem menn gera í frítíma sínum (hvar sem þeir eru) og brýtur ekki í bága við lög hlýtur að vera þeirra mál ekki vinnuveitandans eða ráðuneytis. Eðlilegt hýtur hins vegar að fá skýringu á því af hverju kort KSÍ kom þarna við sögu.