Engin jafnréttisbarátta - Karlar! Grípið til vopna!

Er þarna ekki að sannast að allt þetta tal kvenna um jafnrétti er bara dulbúin barátta um yfirtöku kvenna á heiminum?Annað hvort þurfum við karlar að byggja skotvarnarbyrgi og hverfa niður í þau eða vopnast og berjast við þessu illu öfl.

Konurnar eru búnar að yfirtaka skólana og nú stefna þær á allt annað.

Karlar! Grípið vopnin og sýnum hvað í okkur býr eða verðum kerlingar ella.

Vilja í forystu Frjálslynda flokksins

Ætlar hann ekki að bjóða sig fram til þings??

Það er undarlegur misskilningur að menn bjóði sig fram gegn einhverjum þegar menn gefa kost á sér til embættis. Lýðræðið býður upp á tækifæri allra (þó svo flokksræðið takmarki lýðræðið töluvert) og því allir jafnréttháir.

Annars finnst mér mótmælin hingað til vera af svipuðum meiði, menn vilja bara alla burt en hafa engar lausnir.

 

Ólafur í Mjólku íhugar framboð gegn Siv

Ávallt viðbúinn!

Til hamingju Gutti, gott að fá góðan skáta og Skagamann í forsetastól á Alþingi.

Guðbjartur verður forseti Alþingis

Nei, Hörður, svona gerir maður ekki!

Hvernig getur fólk sem fer á Austurvöll, ber potta og pönnur, kveikir í og kastar steinum í lögreglu talið sig rödd fólksins.

Það hefur enginn spurt mig!

Ekki kaus ég þennan hóp!

Enginn kaus þennan hóp!

Komið með mótaðar tillögur um nýtt kosningafyrirkomulag þar sem fólkið getur haft meiri áhrif á hvaða einstaklingar eru kosnir.

Komið með tillögur um hvað gera á í þeim vanda sem nú steðjar að!

Hverja á að kjósa í nýjum kosningum? Fólkið sem kveikti eldana? Er það fólkið með hugmyndirnar og dug til að taka á málum. Ég get ekkert séð það.

Mér finnst að fólk hafi fullan rétt á að mótmæla og hafa sínar skoðanir, en reynið ekki að gera ykkar skoðanir að mínum.

Hörður ætti að fagna boðun kosninga. Það er lítið fengið með því að leysa upp stjórnina núna, mynda bráðabirgðastjórn og nýja í maí. Þvílíkt sundurleysi það yrði og ekki til þess að flýta aðgerðum.

Komið með mótaðar tillögur til stjórnvalda en leyfið fólki að vinna fram að kosningum. Nýtum tímann. Ég held að tími Harðar Torfasonar sé líka liðinn.

Hænuskref í rétta átt

Gott að sitja í öruggu sjóli lagaverndar

Pólitík er skemmtileg tík. Það er gott að geta ályktað. Ekki síst þegar stjórnmálafélag á í hlut sem situr í meirihluta í bæjarstjórn, öruggt að ekki verði kosið fyrr en áætlað var, þar sem sveitarstjórnarlögin leyfa ekki kosningar nema á 4 ára fresti.

Mikið vildi ég frekar sjá hreinar tillögur um aðgerðir gegn þeim vandamálum sem við eigum við að etja en endalaus mótmæli og ályktanir. Ekki batnar ástandið fyrr við það.

Hins vegar hefði ríkisstjórnin átt að vera búin að taka til hjá sér og skipta út þeim sem báru ábyrgðina, ekki síst fjármálaráðherrann og viðskiptaráðherrann. - Það getur hún reyndar enn gert.

Samfylking í Hafnarfirði vill slíta stjórnarsamstarfi

Eru áhugi á flengingum haldbær rök

Nú er bleik brugðið. Hver eru rökin fyrir dómnum? Var það í lagi að maðurinn flengdi börnin af því hann hafði áhuga á flenginum sem hluta af kynlífsleikjum????  Svo bar hann olíu á rassinn? Flengdi hann svona fast eða var þetta hluti af leikjunum? Það er margt sem maður ekki skilur.

Mátti flengja drengi kærustu sinnar

Þá væru þeir ekki svona feitir í Bandríkjunum

Þessari hugmynd þyrfti að koma að hjá lögreglunni í Bandaríkjunum. Stórhættulegt og glæpsamlegt að háma í sig kókoskúlur :)

Þrír handteknir með kókosbollur

Skondin nálgun

Það er svolítið skrítin nálgun að tala alltaf um fækkun í Þjóðkirkjunni. Við búum nú í fjölmenningarsamfélagi þar sem fólk með mismunandi trúarskoðanir flytur til landsins. Því er eðlilegt að það fækki hlutfallslega í Þjóðkirkjunni. Reyndar fjölgaði í Þjóðkirkjunni !

Hins vegar mætti spyrja sig hvort ekki væri eðlilegra að flokka niður og bera saman eftir trúarstefnum, taka alla kristna saman o.s.frv.

Trúfélögin eru talin upp 29 hjá Hafstofunni (með meðlimi) og það fæsta með aðeins 17 meðlimi. Það vekur hins vegar athygli að um 22.700, eða um 7% íbúanna eru í öðrum ótilgreindum trúfélögum.

Í Fríkirkjunni í Hafnarfirði fjölgaði um 4% og er það 4 stærsta trúfélag landsins. Hins vegar er athyglisvert að sjá að Ásatrúarfélagið sem alltaf fær mikla athygli í fjölmiðlum hefur aðein 1270 meðlimi. 2,9% þjóðarinnar er skráð utan trúfélaga.

Hlutfallsleg fækkun í Þjóðkirkjunni

Nýr flokkur með gömlu nafni

Alltaf kemur Framsóknarflokkurinn manni á óvart. Þá er ný kynslóð tekin við, kynslóð sem er ekkert að velta sér upp úr kynjakvóta eða annarri slíkri vitleysu. Talað er um einstæða breytingu á flokki og því má kannski segja að búið sé að stofna nýjan flokk með gömlu nafni.

Formannskjörið kom mér ekki á óvart nema kannski að ég hefði aldrei átt að búast við að kjörið færi eins og mér þætti eðlilegt. Páll hefði aldrei komið flokknum eitt eða neitt. Hins vegar kom mér mjög á óvart að Siv skyldi ekki vera kjörin varaformaður, það var ákveðið sáttaboð hjá henni að fara ekki í formannsslaginn og hún hefur nú ekki verið þægasti flokksfélaginn. Því hefði það ekki komið mér á óvart að fólk hefði farið meðalveginn, kjörið konu úr "gamla genginu" (fyrirgefðu Siv, ekki þannig meint) en flokkurinn kaus að hreinsa alveg út og því eru tveir strákar nú í forystu í einum íhaldsmesta flokki landsins sem er að verða eitthvað allt annað og það kæmi mér ekki á óvart þó þeir tvímenningarnir vissu ekki mun á hala og haus á belju og því ekki að vænta neinna kossa þar.

Það verður spennandi að fylgjast með Framsóknarflokknum.

Birkir Jón Jónsson nýr varaformaður

2000 vandinn ????

Svakalega aulalegt klúður.

Formaður kjörstjórnar segir af sér