Frábær staður

Við borðuðum þarna félagar úr Rótarýklúbbi Hafnarfjarðar fyrir rúmum tveimur árum og líkaði mjög vel. Hin glæsilegast máltíð í all sérsöku umhverfi í þessu gamla pakkhúsi. Maturinn og þjónustan var mjög góð og síðan þá hefur hann fengið hverja viðurkenninguna af annarri. Mæli með honum. Flott framreiddur matur.

Danskur veitingastaður meðal þeirra bestu

Jákvæðara en afar neikvætt

Er þetta ekki áróður að birta svona fyrirsögn þegar réttara er að viðhorf til Bandaríkjanna er ekki eins neikvætt og fyrr.

Bandaríkin undir forystu Bush hefur haft skelfileg áhrif á heiminn og afleiðingar þess munu vara lengi. Í raun er ótrúlegt hvað Bandaríkjamenn hafa mikil völd í heiminum en það ræðst sennilega bara af misskyldri lotningu fyrir löngu föllnu stórveldi og áróðri fjölmiðla sem lepja allt sem Bush segir en þegja þunnu hljóði yfir því sem gáfaðri og skynsamari þjóðhöfðingjar segja.

Það á ekki að bera lotningu fyrir stórum þotum og mörgum lífvörðum.

Viðhorf til Bandaríkjanna jákvæðara

Nú er Bleik brugðið

Er Bush forseti farinn að krefjast vægðar fyrir fólk? Maðurinn sem sjálfur lét taka af lífi fólk þegar hann var ríkisstjóri enda ljóst að hann er fylgjandi dauðarefsingum. Georg W. Bush er einn mesti hryðjuverkaleiðtogi sögunnar, hefur látið slátra sínu fólki og öðru fólki. 

Enginn hefur leyfi til að taka líf annars manns - aldrei! John Edwards var hálfpartinn að leita eftir verkefnum og væri verðugt verkefni fyrir hann að berjast gegn dauðarefsingum í Bandaríkjunum og utan þeirra. 

Hæstiréttur hafnar kröfu Bush; heimilar aftöku í Texas

Kominn með veðurstöð

Það er ekki öll vitleysan öll. Ég keypti mér veðurstöð nýlega. Pantaði hana á Ebay, fyrstu kaupin mín þar. Beið lengi spenntur eftir henni, hélt lengi vel að ég hefði verið svikinn en að fá vörur frá Þýskalandi með DHL þýðir ekki hraðsendingu. Það lærði ég. Stöðin kom með skipapósti eins og þegar innkaup voru gerð til forna og fékk ég hana með vorskipunum. Ég er sammála mönnum sem hafa gagnrýnt Póstinn fyrir okur á tollmeðferð. Hér áður gat ég sjálfur fyllt úr tollskýrslu á netinu eða í tollaforriti en nú er það ekki mögulegt og maður er neyddur til viðskipta við Póstinn sem ekki bara rukkar fyrir tollskýrslugerð heldur líka fyrir tollmeðferðargjald sem lenda ætti á ríkinu en ekki mér. En hvað með það.

Stöðin er komin á stöng á svölunum til reynslu áður en hún verður fest upp á þak. Hún er endrum og eins tengd við tölvu og þá uppfærist veðurmynd á http://www.fjardarposturinn.is en síðar verður hún vonandi tengd beint við netþjóninn á háaloftinu og þá verður hægt að fylgjast með þakveðrinu hér hvaðan sem er úr heiminum. Nú býð ég bara eftir almennilegu roki.

Forritið heitir Heavy Weather Pro 3600 og tengist við nær samnefnda stöð. Ég hef reyndar ekki fengið hana til að skrá í sk. history skrá til að geta séð veðrið eins og það var og ef einhver þekkir þennan vanda væri gaman að heyra frá honum. Annars er alltaf gott veður hér í Setberginu svo í sjálfu sér var veðurstöðin óþörf.

Lambafellsgjá og Bláa lónið

Í dag var farin hefðbundin ferð í Bláa lónið eins og við höfum gert með Elínu systur og fjölskyldu. Leiðin þangað hefur ekki alltaf verið sú saman og stundum hefur verið farinn langur vegur áður en lúnir fætur eru hitaðir upp í Bláa lóninu.

Í ár fórum við eftir grófum veginum að Höskuldarvöllum þar sem Trölladyngjan gnæfir yfir í öllu sínu veldi. Þó Keilir hafi freistað þá var ekki gengið á hann núna því Lambafellsgjáin var takmarkið. Þangað hafði enginn okkar komið áður. Við lögðum bílunum við Eldborgina, sem að sjálfsögðu er búið að stórskemma með efnistöku. Þar við er enn hiti og fannst krökkunum sérstaklega gaman að finna hitann rétt framan við bílinn á "bílastæðinu". Þaðan var gengið norð-austan við Eldborgina (krakkarnir hlupu að sjálfsögðu upp á hana) og eftir slóða í norður að Lambafelli og farið vestur og norður fyrir það þar sem gjáin blasir við. Reyndar nefnir Ómar Smári, vinum minn þetta klof, Lambafellsklof en glæsilegt er það með aðeins nokkra metra á milli hamraveggja. Við fórum upp gjána á hörðum snjó sem sums staðar var svolítið háll en stórfættur göngumaður sem þar hafði farið einhverjum dögum fyrr gerði okkur þó auðveldara fyrir. Upp komumst við og af Lambafellinu er stórkostlegt útsýni. Hiti er á vestanverðu Lambafellinu, litlu strákunum til mikillar ánægju.

Sjá upplýsingar um svæðið á Ferlir.is

Áfram var haldið eftir malarveginum að Reykjanesbraut og inn á Grindavíkurafleggjara. Þar var svo beygt til vinstri að Snorrastaðatjörnum, löng leið á leiðinlegum vegi og svekkjandi því maður ekur alveg að Reykjanesbrautinni þar sem áður var vegtenging. En við Snorrastaðatjarnir var fallegt, há tré undir hamraveggnum og borð og bekkir sem hægt var að nota sem við nýttum okkur að sjálfsögðu. Eftir dágóða stund þar var haldið í Bláa lónið - notaleg stund og ekki meira um það.

Myndir koma síðar

Jakob á IMWe

Jakob var að láta vita að hann væri kominn til Rieneck kastala, 80 km austan við Frankfurt þar sem hann tekur þátt í IMWe 2008, Internationale Musishe Werkstatt sem Bandalag kristilegra skáta í Þýskalandi standa fyrir. Í undirbúningshópi eru 14 skátar frá 7 mismunandi löndum og fulltrúi Íslands er Jón Ingvar Bragason, f.v. fræðslufulltrúi BÍS.

Rieneck kastali er glæsileg evrópsk skátamiðstöð þar sem fjölbreytt dagskrá er í boði allan ársins hring.

Sjá nánar á www.imwe.net

Kallast þetta ekki bensínþrýstingur?

Hvaða bensínpressa er þetta? Eitthvað skylt við buxnapressu?

Räikkönen stefnir á stigasæti

Flott hjá frænku

Ég óska henni frænku minni, Hrefnu Harldsdóttur innilega til hamingju með starfið. Nú hlýt ég að verða keyptur til að sýna á listahátíð. - Reyndar veit ég ekki hvað ég gæti sýnt enda listrænir hæfileikar mínir aðallega ætlaðir til einkanota. En á maður ekki að fljóta langt á frændseminni? :)

ÉG er stoltur af frænku!

Hrefna stjórnandi Listahátíðar

Enginn húmor í Hafnarfirði

Bæjarstjórn var rétt í þessu að samþykkja nafndið "Ásvallalaug" (Ekki áSvallalaug) sem nafn á nýju sundmiðstöðinni á Völlum með 7 atkvæðum (af 11).

Engin af mínum tillögum hlaut brautargengi en auk "Bringusundlaugar" tillögu sem ég kynnti hér þá sendi ég eftirfarandi tillögur inn:

• Svakalaug (verður hún ekki svaka stór?)
• Valla-vallarlaug (rétt hjá Vallavelli-púttvellinum)
• Torgalaug (af hverju var ekki byggð hringlaug, allar lengdir þá mögulegar?)
• Hverlaug (hver laug um kostnaðinn?)
• Flaug (stytting úr Flottalaug)
• Arnarlaug (Byggð fyrir Örn)
• Fjarðarlaug (kennd við íþróttafélagið Fjörð)
• Sundhöll Valla (varla Valla sundhöll?)
• Hallarlaugin (eða er hún bein?)
• Hafnarfjarðarhöllin (fyrir sundkónga og -drottningar)
• (Hvað ætli hann..) Heiti potturinn (umdeild sundlaug)
• Metalaug (met í kostnaði og vonandi verða sett mörg met þarna)

Annars var skondið að enginn bæjarfulltrúa hafði tekið eftir að ósamræmi var í fundargerð tómstundaráðs eins og látið var fara óbreytt í Fjarðarpóstinn 28. febrúar sl. þar sem samþykkt var nafnið Ásvallarlaug. (Hvar er þessi Ásvöllur?)

Á 110 km hraða á eftir lögreglunni

Ég ók fyrir tilviljun á eftir lögreglubíl úr Hafnarfirði til Reykjavíkur. Ég hélt mér fyrir aftan hann og var hinn rólegast þar til ég leit á hraðamælinn hjá mér, enda voru hinir bílarnir farnir að fara hægar en við. Á Hafnarfjarðarveginum var hraðinn kominn í rúmlega 90 og þá fór að draga í sundur með okkur. Ég reyndi að halda bilinu, (kominn í blaðamennskuna) var kominn í 100 km hraða og í mest 110 km hraða þegar lögreglubíllinn dró úr hraðanum í Kópavogi og ég fylgdi honum eftir eins og skugginn á um 90 km hraða. Í 07-281 var ökumaðurinn einn frammi í bílnum og einn farþegi að ég best sá aftur í og ekki kæmi mér á óvart ef það hefur ekki kona, jafnvel með hatt. Við Bústaðarveginn sveigði lögreglubíllinn til hægri og ég hélt áfram - á minni hraða að sjálfsögðu :)

Það er til lítils að prédika um hættur hraðaksturs ef lögreglumenn sjálfir aka eins og fantar. Ég segi fantar því hann var hvorki með blikkljós né sírenu. Kannski það sé svona mikið álag á lögreglunni vegna manneklu að þeir þurfi að flýta sér svona mikið?