Á flótta undan ísbirni í Kanada

Sjáið þessa spennandi atburðarrás þar sem ljósmyndarinn var ekki að skemma gott myndatækifæri með því að hjálpa manninum. 
                                                                         
Gerðist í Kanada 18. apríl.

 

 

 

Karlinn slapp!

Skotinn á flótta á þjóðhátíðardaginn

Enn á ný voru það byssumenn sem áttu síðasta orðið í samskiptum við ísbjörn. Aftur var ísbjörninn á leið frá fólki og var skotinn án þess að vera ógna neinum. Ísbirnir eru alfriðaðir - hvenær á friðun að gilda?

Svei Íslendingum á sjálfan þjóðhátíðardaginn og réttast væri að Íslendingar flögguðu í hálfa stöng.

Enn á ný höfðu yfirvöld ekki yfirsýn og og væri rétt að friðun ísbjarna yrði endurskoðuð. Þeir eru greinilega réttdræpir á Íslandi.

Svei þeim sem réðu.

Ísbjörninn að Hrauni dauður

Íslendingar fá annað tækifæri!

Nú er að sjá hvort Íslendingar hafi lært eitthvað af ísbjarnardrápinu um daginn. Nú hljóta menn að vita hvar deyfilyfið er og áhöldin og tækin. Nú hafa menn fengið tíma!

Ég vona að ég eigi ekki aftur eftir að sjá rígmontna byssumenn við dauðan ísbjörn. Mynd eins og sást um daginn er ósmekkleg þó þeir hefðu drepið ísbjörn til að bjarga mannslífi.

Þarna geta menn fylgst með gangi lífsins og getur viðlagasjóður og ríkisstjórn örugglega hlaupið undir bagga með æðarbændum.

Ísbjörn í æðarvarpi

Hvað á að gera við umhverfisráðherra sem er hættulegur umhverfi sínu?

Svo monta þeir sig af þessu byssumennirnir og láta mynda sig við hræið. Ég skammast mín núna fyrir að vera Íslendingur.

Umhverfisráðherra er hættulegur umhverfinu, það er ástæðulaust að skjóta hann en hann á að segja af sér!

Reynt að koma í veg fyrir að fella þurfi næsta hvítabjörn

Afmælishátíð Hafnfirðinga byrjar með látum :)

Sjá færslu hér á undan um sjálftann.

Símasamband komið á aftur.

Ekki gsm

Afar öflugur jarðskjálfti

Stór skjálfti kl. 15.46

Hann hefur örugglega verið stærri skjálftinn sem fannst hér í Hafnarfirði og víðar um kl. 15.46. Hér nötraði allt, skjáir, skilrúm og skápar nötruðu og maður sá hreyfingar á húsinu. Ég man ekki eftir jafn öflugum skjálfta og er 17. júní skjálftinn árið 2000 þá meðtalinn. Sími og farsími er dottinn út en netsamband virkar.

Jarðskjálfti við Ingólfsfjall

Hét embættið ekki bæjarstjóri þá?

Ég man þá tíð þegar Reykjavík varð borg í stað bæjar en ég man ekki aftur til 1908 þegar Hafnarfjarðarbær fékk loksins kaupstaðarréttindi eftir þvermóðsku Reykjavíkurþingmanna. En þangað sóttu menn fyrsta bæjarstjórann greinilega.

Hver varð fyrstur til að bera titilinn borgarstjóri?

Aldarafmæli embættis borgarstjóra

Loksins

Fyrsta flautið hjá vörubílstjórum vakti aðdáun hjá mér, að fólk stæði upp og mótmælti því sem því fannst ranglátt. Síðan var haldið áfram og í gær þegar þeir óku framhjá flautandi hugsaði ég mér "er ekki allt í lagi, hvað hefur áunnist með þessum aðgerðum?"

Nei, vörubílstjórar þurfa að hlíta landslögum eins og aðrir og því var löngu orðið tímabært að taka á þessum aðgerðum bílstjóranna sem hefur bitnað á þeim sem síst skyldi, einstaklingum sem þurfa að greiða hátt bensínverð.

Þeir geta mótmælt með því að beina aðgerðum gegn ráðamönnum en ofbeldi er ekki vænlegt til árangurs.

Mótmælendur handteknir

Sinubruninn alveg við byggð við Lindarberg

Eldurinn var á svokölluðum Norðlingahálsi á mörkum Garðabæjar og Hafnarfjarðar, ofan við Lindarberg og var eldurinn kominn alveg að lóðarmörkum þar sem hann var slökktur og eigendur sprautuðu á garða sína og tré.

Mikill sinueldur við Urriðavatn

... líka leyfilegt að auglýsa kjúklingaborgara

Það er með ólíkindum að hægt sé að bjóða upp á "barnaborgara" Ég kýs fremur kjúklingaborgara, fiskborgara eða hamborgara. Þetta er ljótt nafn og ótrúlegt að fyrirtæki sem hugsa vel um markaðssetningu vilji nota það þó ég ætli ekki að það séu börn í barnaborgurum frekar en Napóleon í Napóleonskökum.

Mega auglýsa barnaborgara