Heppin - hefði getað farið ver

Ökumaður þessa bíls telst heppinn að bíllinn lenti ekki í Kópavogslæknum á fjórða tímanum í dag. Bílnum var ekið í átt til Hafnarfjarðar þegar hann fór út af þar sem vegriðið á millieyjunni byrjar við Kópavogslækinn. Að ummerkjum að dæma virðist eins og annað hjólið hafi farið upp á vegriðið án þess að ég þori að fullyrða það. Allavega hélt bíllinn áfram þar til hann stöðvaðist þversum við lækinn, í grótinu þar og mátti greinilega litlu muna að bílinn valt ekki niður í lækinn. Var of hratt farið?

Hver kaus þessa menn?

Lifandi skelfing eigum við vitlausa þingmenn. Hafa þeir ekkert þarfara að gera? Þetta er reyndar í takt við umfjöllun fjölmiðla um reykingarbönn, þeir hama þeim sem kvarta en steinþegja yfir því jákvæða við slíkum bönnum. Hún var t.d. stutt fréttin um jákvæðar afleiðingar á hjartaáföll á Ítalíu eftir að þar var innleitt reykingarbann fyrir nokkrum árum með mjög góðum árangri og ánægju.

Vilja leyfa reykingaherbergi á skemmtistöðum

Af hverju er betri snjór annars staðar?

Þegar ég skrifa þetta, sit ég í vellystinginum á hóteli í Selva Val Gardena, nýbúinn að skíða og ferðast í lyftum í yfir 60 km á einum degi. Á Íslandi er allra veðra von, stundum er snjór og stundum er rigning. Sagt er að á Íslandi eru köld sumur og hlýjir vetur. Það eru orð að sönnu.

Hér í Val Gardena er skíðað í yfir 2000 m hæð. Selva, bærinn er í um 1600 m og efstu skíðasvæðin eru í um 3400 m hæð en þangað má fara í Þyrlu eða í gondólum. Allt er troðið síðla dags, snjóvélarnar dæla snjó á brautirnar og nýjustu tækin geta búið til snjó í 2°C. Hér er veðrið mjög jafnt og því er þetta kjörið svæði fyrir skíðaunnendur enda koma hingað milljónir manns á hverjum vetri.

Við hjónin erum að koma hingað í þriðja sinn og alltaf er jafn gaman. Færnin eykst og brekkurnar verða því betri. Sólin skín og því hraðar sem skíðað er, því ferskari verður vindurinn sem blæs í andlitið. Rúmlega 87 km hraði er hressilegur og gott að vita að hjálmurinn situr vel á höfðinu. Í fjöllunum eru veitingastaðir sem selja fjölbreytta rétti á sanngjörnu verði og væri gaman ef íslensku vegasjoppurnar fengu eitthvað af því sem S-Týról hefur upp á að bjóða.

Þessar norsku kerlingar ..

Heyrt í lýsingu á leiknum á ruv.is:
"Þessar norsku kerlingar.." "Þeir eru ekki hliðhollir okkur þessir norsku dómarar" og fleira í þeim dúr. Þurfa íþróttafréttamenn ekki að vanda sig betur?

EM: Átta marka tap gegn Þjóðverjum

Væri það ekki ráðherrann sem ætti að segja af sér?

Af hverju ætti dómnefndin að segja af sér? Skilaði hún lélegri og óvandaðri vinnu? Ef ekki ætti það að vera ráðherrann (dýralæknirinn) sem segði af sér. Ef nefndin hefur klikkað þá á hún að sjálfsögðu að segja af sér.

Dómnefnd segist sitja áfram þrátt fyrir óvandaða stjórnsýslu ráðherra

Bringusundlaugin

Þetta er nú með skemmtilegri myndum sem jafnréttisbaráttan tekur á sig. Mikið eigum við karlmenn gott að hafa getað þanið beran brjóstkassann í marga áratugi. Ég minnist nú reyndar mynda af sundmönnum og konum þar sem eini munurinn á sundfötum var fjöldi hlýra, karlmenn voru flestir með einn en konur tvo.

Vonandi verður okkur ekki gert að minnka umfang sundskýlunnar niður í þvengbuxur kvennanna, mér yrði allavega ekki skemmt að sjá karlana þannig klædda.

En ég legg til að hinn framsækni bæjarstjóri í Hafnarfirði taki þetta upp í nýju sundmiðstöðinni sem nú er leitað að nafni á. Kannski gæti laug þar sem berja má konubrjóst augum heita Berjalaug, Brjóstalaug eða þá bara Jafnréttissundhöllin svo ekki sé minnst á Bringusundlaugin.

Annars vekur nafnið á bæjarfélaginu sænska, kátínu í þessu sambandi, sem upp á íslensku lesist sund-svall :) Varla var það tilgangur "Bara bröst" fólksins.

Ber brjóst leyfð í Sundsvall

Gleðilegt ár!

Ég óska öllum gleðilegs árs og þakka liðið ár.

Vindurinn sá um reykræstingu

Nei  slökkviliðið sá ekki um reykræstingu, galopið hús í byggingu nýtur góðs af vindinum við reykræstingu og því var reykur horfinn um leið og eldur var slökktur. Ljótt að sjá hús í byggingu skemmast svona og ljóst að einingar með frauðeinangrun hafa skemmst mikið. Þetta leit út eins og einhver hafi borið eld að húsinu þó það hafi ekki verið staðfest.

Eldur í húsi í byggingu í Hafnarfirði

Nýtt tilbrigði af "um er að ræða" fári blaðamanna

"Ræðir þar umlestina sem gengur frá Pudong-flugvelli í Shanghai til fjármálahverfis borgarinnar. Kemst sú upp í 430 km hraða.

Ekki ætla ég að tjá mig um lestamálin þó mér finnist ég hafa heyrt um slíka tilraunalest í Þýskalandi sem nýtir segulsviðið (og straumur var aðeins á teinunum þar sem lestin var). Ég er hins vegar búinn að fá svo mikinn leiða á "um er að ræða" fári blaðamanna að ég hrökk við þegar ég sá þetta undarlega afbrigði af fárinu "ræðir þar um". Það er í sjálfu sér ekkert að því að nota orðatiltakið "um er að ræða.." en það þarf ekki að nota það í tíma og ótíma. "Þetta er.." kemur að alvega sama gagni og eflaust nota þeir sem haldnir eru þessu fári það þegar þeir mæla frá hjartanu. Eitthvað virðist breytast þegar rita þarf niður texta og þörfin á "um er að ræða" verður óbærileg.

Legg ég til að blaðamenn fari í "um er að ræða" bindindi í a.m.k. einn mánuð. Íslenskan er rík af hugtökum og óþarfi að tönglast á þeim sömu.

Ofurlest á 500 km hraða

Ljósin í myrkrinu

Nú er dimmasta tíð á Íslandi. Ekki svo að ástandið sé svo slæmt - nei nú nýtur minnstrar sólar við. Sums staðar sést engin sól, þar sem fjöllin hindra aðgang hennar að hjörtu manna. Það er því kannski ekki svo undarlegt að fólk kveiki víða ljós í þessu svartasta skammdegi.

En stundum getur verið of gert. Myrkrið er dásamlegt því það er grundvöllur þess að við getum notið birtunnar. Það má því segja að myrkrið sé fyrir okkur fólkið eins og stiginn er fyrir málarann. Þegar búið er að þekja strigann með öllum litum sést vart þó enn meir sé bætt við. Ef við setjumst inn í myrkvað rými og kveikjum á einu kerti, lifnar allt við og við sjáum bæði fólkið sem er með okkur og jafnvel allt rýmið. Allt breytist við þetta litla ljós. Ef við sitjum inn í sama rými, uppljómuðu af rafljósum og kveikjum á sama kerti gerist lítið. Þetta litla kerti breytir litlu vegna þess að við eigum svo mikið ljós.

Sama er með líf okkar.

Gleðileg jól