Jafnrétti kynjanna er ekki alltaf jafnrétti - því síður lýðræði

Jafnrétti kynjanna er ekki alltaf jafnrétti - því síður lýðræði. Kynjakvóta er ásættanlegt að beita í nauðvörn sem ekki á lengur við. Ég get verið sammála Ragnari að auðvitað á að treysta kjósendum fullkomlega og ekki mata í þá. Hins vegar hef ég aldrei skilið þessi prófkjör þegar fólk býður sig fram í ákveðin sæti. Vilji menn að vilji fólksins komi fram sem best, bjóða menn sig fram á lista og fólkið raðar.

Slíkt ætti að gera á kjördag og kominn tími að hamla gegn óheftu flokksræði sem takmarkar lýðræðið.

Dregur framboð sitt til baka vegna kynjakvóta

Athugasemdir

[Anna (IP-tala skráð) 16.2.2009 kl. 15:54]

Á kynjakvóti ekki lengur við? Konur eru rétt um þriðjungur þingmanna og þeim FÆKKAÐI í síðustu kosningum. Hvers vegna á kynjakvóti þá ekki við? Af því að 1/3 er meira en nóg fyrir helming þjóðarinnar?

[Guðni Gíslason, 16.2.2009 kl. 16:08]

Jafnrétti er miklu meira en jafnt hlutfall kynjanna á Alþingi eða í stjórnum. Ætlar þú líka að pína konur til þátttöku sem ekki vilja? Eða öfugt? Konur eru helmingur kjósenda svo þær hafa valið þó ég ætli ekki neinum að kjósa fólk vegna kynferðis. Ég vel fremur hæfasta og frambærilegasta fólkið. Ég á bara stráka, ætlar þú að setja reglur gegn því?

Í umræðu um jafnrétti má ekki gleyma jafnrétti einstaklinga. Enginn á að gjalda kynferðis síns, heldur ekki karlar.