Gegn samkeppni?

Ekki veit ég hvort fréttin er ekki vel skrifuð en ég hnýt um "hefði ekki verið víðtækara en nauðsynlegt hafi verið til að varna samkeppni" 

Hæstiréttur passar upp á að fyrirtæki geti varnað samþykki og samkeppnisstofnun berst fyrir samkeppni.

Braut gegn samningi með störfum fyrir samkeppnisaðila

Sjö konur og aðeins þrír karlar

Það er svo skondin þegar jafnréttisbaráttan hefur snúist út í kynjakvótakerfi til þess að tryggja öðru kyninu aðgang (í frjálsum kosningum). Svo heyrist ekkert þegar konurnar eru komnar í meirihluta, þá er það ekki skerðing á jafnrétti. Ég er á því að kynjakvóti er út í hött og andstæður jafnréttishugsjón en svona tvöfeldni er vægast sagt hlægileg.

Keik og stolt í sjötta sætinu

Hvar er þessi "lögreglan í Reykjavík"? Voru þeir í fjargæslu

Hafa blaðamenn Morgunblaðsins ekki enn áttað sig á að það er ekkert til sem heitir lögreglan í Reykjavík? Varla hafa þeir setið og skoða Google Earth og fylgst með mótorhjólafólkinu.

Fáfnismenn fagna í Hafnarfirði

Þá hlýtur hún að hleypa öðrum að - besta mál

Hvernig stendur á því að fólk sem játar á sig mistök vill fá að starfa áfram? Er þetta svona gott og öruggt starf?

Annars er lítið betra að fylgjast með fv. stjórnarandstöðuflokkunum. Það er greinilegt að allir voru með tillögur um það sem ætti að gera og gera ekki en enginn var búinn að hugsa málið til enda. Lenda svo í ógöngum þegar þeir komast í ríkisstjórn.

Baðst afsökunar á mistökum

Hvað finnst skólastjóranum hrottaleg árás?

Það alvarlegasta í þessu máli er að hinir sem voru viðstaddir skyldu ekki blanda sér í slagsmálin. Hvenær hættu samnemendur að stía slagsmálahundum í sundur?

Hins vegar skil ég ekki orð skólastjórans.

Heilahristingur, bólgur, heyrnatruflanir og lausar tennur.  - Skólastjóranum finnst það líklega ekki hrottaleg árás ef hún sjálf hefði verið í sporum drengsins?

Blóðug slagsmál skóladrengja

Látum bara traðka á íslensku þjóðinni - á skítugum skónum

"Ég vil ekki leita réttar míns - ég vill vera vinur þinn!"  Er það svona sem nýja ríkisstjórnin hugsar? Á að láta Bretana vaða yfir okkur á skítugum skónum án þess að gera neitt í því? Geir hafði ekki manndóm í sér að hringja aftur, var eins og feiminn ástfanginn unglingur sem guggnaði á fyrstu hindrun.

Á að láta þjóðina greiða tap annarra, greiða tap vegna útrásarvíkinganna og að taka á sig hækkanir lána heimilanna vegna alls þessa og handónýts verðtryggingarkerfis.

Eigum við ekki bara að óska þess að verða sett undir bresku krúnuna? Erum við bara ekki með handónýta pólitíkusa og "sérfræðinga" sem hafa enga pólitíska ábyrgð?

Hætt við málssókn gegn Bretum

Hræddur, reiður, glaður, grimmur

Það var gaman að fylgjast með Davíð Oddssyni í Kastljósi í kvöld. Sjá hvernig hann breyttist úr hræddum opinberum starfsmanni í reiðan, svo glottandi og síðast grimman stjórnanda sem var búinn að stjórna umræðuþætti og gera að sínum.

Ég var tilbúinn að vaða eld og brennistein fyrir hann, hjálpa honum í kosningaslag og kjósa hann sjálfur þar til ég opnaði útidyrnar og ferskur blærinn streymdi um andlit mér. Þvílíkur dáleiðslukóngur hann Davíð. Ekki er ég dómbær á það sem hann sagði og ekki hjálpaði spyrillinn mér á þeirri leið og verður fróðlegt að heyra álit þeirra sem þykjast til þekkja. Hins vegar er alveg ljóst að þessi mál eru ekki svart hvít frekar en annað í lífinu. Enginn er saklaus og vinnubrögð minnihlutastjórnarinnar eru á margan hátt fljótfærnisleg og ótrúlega klaufaleg, ekki síst í málefndum Seðlabankans.

En ég fer ekki ofan af því að Davíð átti að hætta strax, hafi hann þá hugsað um hag bankans og þjóðarinnar. Þá væri einn af reyndustu mönnum bankans ekki að fara í norska seðlabankann. En það má ekki kosta hverju sem er til við að koma honum í burtu.

Hugsið ykkur hvað þessir bankastjórar gætu einfaldað málin með afsögn!

Svo reyna þeir að klína þessu á stjórnmálamennina. Þarna hefði Eiríkur betur litið í eigin barm og skoðað hvað hann gæti gert til að auðvelda aðgerðir í fjármálavanda Íslendinga.

Að þeir skuli þrjóskast við og sitja sem fastast í andstöðu við a.m.k. stóran hóp þjóðarinnar.

Furðar sig á vinnubrögðum

Hvernig er að vera Íslendingur í Bandaríkjunum?

Er ekki eðlilegt að bera þetta saman við land frjálræðisins Bandaríkin? Hvernig er að vera Íslendingur þar? Blaðamaðurinn hefur þó blessunarlega verið laus við að vera hnepptur í fangelsi eins og þeir sem dvalið hafa of lengi í Bandaríkjunum hafa mátt þola.

En svona á ekki að meðhöndla fólk!

Farðu heim, góði minn!

Óþolandi að kynið ráði launum - Þó 42% betri árangur en 2006

Það er óþolandi að fólki skuli enn vera mismunað í launum vegna kynferðis og treysti ég á það að þessi óskýrði launamunur sé óskýrður í raun. Það er ekki fullt jafnrétti fyrr en hætt er að horfa til kyns fólks við ákvörðun launa hvað þá vegna annarra ákvarðana sem ekkert hafa með kyn að gera.

Hins vegar er ég algjörlega mótfallinn hvers kyns kynjakvótum sem er gróft brot á jafnrétti einstaklinga. Enginn á að gjalda kynferðis síns.

Óútskýrður launamunur 7%