Athugasemdir við háar greiðslur til lækna voru ekki kynntar! Sjá viðtal við Guðlaug Þór í Fjarðarpóstinum

Hvergi í kynningum á breytingum á St. Jósefsspítala komu fram athugasemdir um háar greiðslur til lækna. Guðlaugur nefnir þetta í viðtali í Fjarðarpóstinum 12. febrúar sl.

Sjá bls. 4 http://www.fjardarposturinn.is/download.asp?fp=FP-2009-06-skjar.pdf 

Guðlaugur vildi ekki ofurlaun lækna

Er hann að hleypa Lúðvík að í formanns- eða varaformannsslag?

Þegar Gunnar gaf kost á sér til Alþingis hafði ég skrifað í leiðara að það væri Lúðvík sem stefndi á þing og að Gunnar yrði bæjarstjóri í Hafnarfirði. Er Gunnar að leiðrétta mistökin og er hann með þessu að gefa pláss fyrir Lúðvík Geirsson í þingslaginn en Lúðvík hefur verið orðaður við formennsku og varaformennsku í Samfylkingunni (þó ekki bæði eins og grínistar lesa þetta örugglega).

Þá myndast aftur pláss fyrir Gunnar í bæjarstjórn og tæki hann þá við bæjarstjórastólnum af Lúðvík. Gunnar er verkfræðimenntaður og rak fyrirtækið Aðalskoðun með sóma ásamt öðrum og sennilega væru þessir tveir ágætu einstaklingar þá á réttari hillum en nú.

Gunnar, það er stórmennskulegt af þér að víkja til hliðar þó mér finnist sú ástæða sem þú nefnir vera alltof léttvæg og eigi ekki við. Gangi þér allt í haginn.

Gunnar sækist ekki eftir endurkjöri

Börnin okkar eiga að hafa jafnan rétt - óháð kyni - og óháð kynjakvóta

Hvað er jafnrétti, jú, jöfn réttindi til einhverra hluta. Jafnrétti kynjanna er því að konur, jafnt sem karlar hafa sinn rétt óháð kyni. Þýðir það þá að alls staðar eigi að vera jafn margar konur og karlar? Nei, ekki aldeilis. Sjálfur á ég sex stráka og verð seint kærður fyrir brot á jafnréttislögum. Nýverið bárust fréttir af brölti Samfylkingar­manna sem ekki vildu tryggja konu annað af efstu 2 sætunum og gengu þá konur á dyr. Þær ætluðust sem sagt til að kynferði þeirra réði hvar þær enduðu á framboðslista. Er þetta jafnrétti? Nei. Í jafnréttisbaráttunni (lesist kvenréttindabaráttunni) gleymist oft réttur hvers einstaklings. Það er undarlegt að ef ekki á að skipta kyn manna þá þurfi annað kynið að víkja vegna þess að ekki séu jafn margir frá hvoru kyni. Greyið Mörður Árnason varð t.d. fyrir barðinu á þessu. Konur eru að verða í stórum meirihluta í kennarastétt, a.m.k. í grunnskólum. Enginn segir neitt við því þrátt fyrir að þar geti spilað inn uppeldisleg mark­mið. Auðvitað hlýtur að vera eðlilegt að ákveðnar stéttir verði ekki karla- eða kvennastéttir eingöngu og auðvitað hlýtur það að vera jafn áhugavert fyrir konur sem karlmenn að taka þátt í stjórnmálum. En þetta er einstaklingsbundið val og hver og einn hefur líka rétt á að taka ekki þátt.

Aukið fæðingarorlof hefur gefið konum sem vilja taka virkan þátt í atvinnulífinu mun auðveldara fyrir en áður. Nú er frekar viðurkennt að kona í áhrifastöðu taki sér frí vegna barnseigna enda er geysilega mikilvægt að foreldrar geti verið sem lengst heima með börnum sínum. Eðlilegri krafa er að foreldrar verði lengur heima frekar en að hægt sé að koma börnum á leikskóla fyrr. Það er börnunum að jafnaði fyrir bestu. En ekki gleyma að börnin okkar eiga að hafa jafnan rétt - óháð kyni - og óháð kynjakvóta.

Leiðari Fjarðarpóstsins 19. febrúar 2009
www.fjardarposturinn.is

Mikið er gott að hafa aðgang að fundargerðum!

Úr fundargerð bæjarstjórnar Hafnarfjarðar 3. febrúar sl.:

María Kristín Gylfadóttir kvaddi sér hljóðs undir 1. lið í fundargerð fjölskylduráðs, jafnréttisátak í íþrótta- og tómstundastarfi og einnig undir 3. lið, starfshópur um almannaheill og lagði fram spurningar til Guðmundar Rúnars Árnasonar. Margrét Gauja kom að andsvari. Rósa Guðbjartsdóttir kvaddi sér hljóðs undir 15. lið í fundargerð bæjarráðs, tillaga og fyrirspurnir fulltrúa Sjálfstæðislokksins 29. janúar 2009. Þá Guðfinna Guðmundsdóttir sem kvaddi sér hljóðs undir 12. lið í fundargerð fjölskylduráðs, forvarnarnefnd. 1. varaforseti, Guðmundur Rúnar Árnason, tók við fundarstjórn. Margrét Gauja Magnúsdóttir kvaddi sér hljóðs undir lið í 12.3 í fundargerð fjölskylduráðs, jafnréttisátak í íþrótta- og tómstundastarfi. María Kristín Gylfadóttir veitti andsvar sem ræðumaður svaraði. María Kristín Gylfadóttir veitti andsvar öðru sinni sem ræðumaður svaraði einnig. Guðmundur Rúnar Árnason tók til máls og svaraði spurningum sem fyrir hann voru lagðar. Rósa Guðbjartsdóttir veitti andsvar sem ræðumaður svaraði. Rósa Guðbjartsdóttir kom að andsvari öðru sinni sem ræðumaður svaraði einnig. Rósa Guðbjartsdóttir gerði stutta athugasemd. María Kristín Gylfadóttir veitti andsvar sem Guðmundur Rúnar Árnason svaraði. Haraldur Þór Ólason kvaddi sér hljóðs undir 3. lið í fundargerð framkvæmdaráðs, aðstöðuleiga á óbyggðum lóðum, einnig 11. lið fundargerðarinnar, Hlíðarþúfur, útboð og dreifing hrossataðs og loks undir 13. lið, fjarvöktun dælu- og hreinsiútbúnaðar fráveitu og lagði undir öllum liðum fram spurningar til Gunnars Svavarssonar. Rósa Guðbjartsdóttir kvaddi sér hljóðs undir 5. lið í fundargerð fjölskylduráðs, niðurgreiðslur, samantekt og yfirlit 2008. Margrét Gauja Magnúsdóttir veitti andsvar. Gunnar Svavarsson svaraði þeim spurningum sem fyrir hann voru lagðar, einnig kvaddi hann sér hljóðs undir 1. lið í fundargerð fjölskylduráðs. Haraldur Þór Ólason veitti andsvar sem ræðumaður svaraði. Haraldur Þór Ólason kom að andsvari öðru sinni sem ræðumaður svaraði einnig. María Kristín Gylfadóttir kvaddi sér hljóðs undir 4. lið í fundargerð fjölskylduráðs, menningarsamningar. Einnig Guðmundur Rúnar Árnason undir sama lið. Gunnar Svavarsson kvaddi sér hljóðs undir 1. lið í fundargerð fjölskylduráðs, jafnréttisátak í íþrótta- og tómstundastarfi. María Kristín Gylfadóttir veitti andsvar sem ræðumaður svaraði. Jón Páll Hallgrímsson kvaddi sér hljóðs undir 4. lið í fundargerð íþrótta- og tómstundanefndar, niðurgreiðslur, samantekt og yfirlit 2008. Margrét Gauja Magnúsdóttir veitti andsvar sem ræðumaður svaraði. Rósa Guðbjartsdóttir kom einnig að andsvari sem ræðumaður svaraði. Margrét Gauja Magnúsdóttir tók til máls. María Kristín Gylfadóttir veitti andsvar sem ræðumaður svaraði. María Kristín Gylfadóttir veitti andsvar öðru sinni. Eyjólfur Sæmundsson tók einnig til máls undir 1. lið í fundargerð fjölskylduráðs. Jón Páll Hallgrímsson kom að andsvari. Guðfinna Guðmundsdóttir kvaddi sér hljóðs undir sama lið í fundargerð fjölskylduráðs.

Jafnrétti kynjanna er ekki alltaf jafnrétti - því síður lýðræði

Jafnrétti kynjanna er ekki alltaf jafnrétti - því síður lýðræði. Kynjakvóta er ásættanlegt að beita í nauðvörn sem ekki á lengur við. Ég get verið sammála Ragnari að auðvitað á að treysta kjósendum fullkomlega og ekki mata í þá. Hins vegar hef ég aldrei skilið þessi prófkjör þegar fólk býður sig fram í ákveðin sæti. Vilji menn að vilji fólksins komi fram sem best, bjóða menn sig fram á lista og fólkið raðar.

Slíkt ætti að gera á kjördag og kominn tími að hamla gegn óheftu flokksræði sem takmarkar lýðræðið.

Dregur framboð sitt til baka vegna kynjakvóta

Enn erfitt ástand hjá Morgunblaðinu

Hvað er þetta með Moggann og "fréttir" af kuli í fasteignamarkaði og nú bílamarkaði. Væri það ekki frétt ef markaðurinn væri kominn í fullan gang.

Af hverju birtir Morgunblaðið ekki fréttir um að fjárhagsstaða Árvakurs, útgáfufélags Morgunblaðsins sé ennþá slæm? Þá frétt mætti birta daglega.

Hver hefur hag af því að tala markaðinn dauðann niður? Sennilega er erfiður rekstur Heklu ekki sjálfum rekstrinum að kenna frekar en hjá Árvakri. Liggur ekki vandinn hjá eigendum sem hafa verið að ganga af fyrirtækjum dauðum með skuldsettum yfirtökum og sölu eigna til þess eins að bjarga fjárfestingu sem menn réðu ekki við?

Alkul í bílasölu

Af hverju er þetta mótframboð?

Eflaust er það af vanþekkingu minni á VR en ég skil ekki af hverju annað framboð er endilega mótframboð, eru öll framboð ekki jafngild?

Una niðurstöðu kjörstjórnar VR

Glæsilegur Hafnfirðingur fer sem fulltrúi Íslands til Moskvu

"Já, það er satt" lagið "Is it true" fer sem framlag Íslands í Eurovision í Moskvu. Flytjandi er hin átján ára gamla Jóhanna Guðrún Jónsdóttir úr Hafnarfirði sem heillaði greinilega landann með glæsilegum flutningi sínum og fallegri ballöðu eftir Óskar Pál Sveinsson.

Er ekki að efa að hún á eftir að heilla Evrópubúa með söng sínum og látlausri framkomu sinni. Sannkölluð stjarna úr Hafnarfirði.

http://www.youtube.com/watch?v=W5az7OU7wj4 

Góðu launin eru ekki holl verkalýðsleiðtogum

Sælmt þegar menn hafa meiri áhuga á að hanga á góðu laununum sínum og fína jeppanum í stað þess að auka lýðræði í verkalýðsfélaginu. Ótrúlegt hvað fólk er alltaf hrætt við lýðræðið.

Trúnaðarmannaráð VR kallað til fundar

Auðvitað einsdæmi! Ástandið er einsdæmi - Hegðun Davíðs er einsdæmi

Það er gott að Davíð og Björn hafi kannað hvernig málum hefur verið háttað í hinum vestræna heimi. En við hverju bjóst Davíð? Allir landsmenn vissu að það átti að skipta út - meira að segja Sjálfstæðisflokkurinn ætlaði að hreinsa til í Seðlabankanum. Ef að Davíð var að átta sig fyrst á þessu þegar bréfið kom lýsir það aðeins hversu veruleikafirrtur hann er orðinn.

Maður sem segist aldrei hafa hlaupist frá sínum verkum. Samt hætti hann sem forsætisráðherra, samt hætti hann sem þingmaður. Til að gerast bitlingaseðlabankastjóri.

Davíð kvartaði yfir því að bréfið til hans hafi verið birt opinberlega áður en hann gæti lesið það. Hann lét birta sitt bréf strax! Sjálfsvirðingin er ekki mikil. 

Nei Björn, ekki ljúka þínum stjórnmálaferli með svona vitleysu, leggðu frekar þitt á vogaskálarnar til að hreinsa til og koma málum í betra horf. þú færð hvort eð er ekki bitlingaembætti. - Það er rétt að vona að slíkum tímum sé lokið.

Björn: Réttmæt ábending Davíðs