Hefðbundnu glóperurnar

www.ljosfelag.is

Sparperur lýsa víða leiðina

Skipaður korteri fyrir kosningar!

Án þess að ég þekki neitt til þá lyktar þetta af pólitískum bitlingum ráherra. Skipaður af ráðherra strax eftir kosningar og aftur til fjögurra ára rétt fyrir næstu kosningar! Ég er ekki hissa á að nýr ráðherra hafi valið nýjan. Svona er nú refskák stjórnmálanna.

Vonandi að málefni fatlaðra hafi ekki boðið skaða af. Kannski fer féð í starf fatlaðra.

Var vikið ólöglega úr stjórnarnefnd

Undarleg svör og undansláttur

Kreditkort með sín Masterkort var ekki lengi að hækka kortagengið þegar gengið fór upp í byrjun október. Færsla 5. október þegar kortagengið var um 164 kr. evran var innheimt á 225 kr. evruna vegna þess (að sögn forstóra Kreditkorta) færslan var ekki send inn fyrr en 2 dögum seinna.

Þá var viðbragðstími alþjóða greiðslunetsins sem Bergsveinn Sampsted, framkvæmdastjóri kortalausna, hjá Valitor kýs að skýla sér á bak við.

Þetta er sami þvættingurinn og hjá olíufélögunum og í rauninni með ólíkindum hvað við látum bjóða okkur. Þessi kortafyrirtæki (sem ég er búinn að skipta við í 27 ár) eru óþverri og kannski er komið að þeim tímá hjá íslensku þjóðinni að það verði kostnaðarlaust að greiða með debetkorti en dýrara með kreditkort. Það er með ólíkindum hvað hægt er flækja þessi kort með fríðindum sem einhver borgar fyrir.

Áhrifin eru lengur að koma í gegn

Lifum í núinu

Nú, þegar líður að jólum, vilja margir gleyma vandamálum þeim sem steðja að íslensku þjóðinni. Neikvæðar fréttir fer illa í fólk ekki síst þegar þeir sem segjast vita betur koma ekki með hreinar tillögur að úrlausnum. Það er ekki nóg að segja að bæta þurfi og leysa skal. Nú þurfa menn að hafa tillögur um það hvernig bæta eigi og leysa eigi það sem aflaga er.

Hér í Hafnarfirði ræða menn um stækkun álversins sem plástur á sárin, sjávarútvegur, sem hefur verið að hverfa í skuggann hér og skipin nánast horfin, getur eflaust verið lyftistöng fyrir mannlífið. Enn er unnið úr fiski hér í bæ þó fæstir viti hvar fiskverkunarhús eru í bænum. Ekki komu fiskréttirnir á afmælisdegi bæjarins upp úr töfrahattinum. Fiskur hefur ekki hækkað í verði í fiskbúðum en meira fæst fyrir útfluttan fisk. Nú ætti að vera hagkvæmt að vinna fiskinn hér enda er vinnuafl ódýrt ef reiknað er í erlendri mynt. Erlendir ríkisborgar sem hér hafa unnið eru margir hverjir farnir. Samviskusamt fólk til vinnu sem verkstjórar sakna. Nú er pláss fyrir Íslendinga eins og í gamla daga og þá er að sjá hvort menn kunni enn að vinna eftir allt góðærið.

Ég átti mig ekki á því hvað eggjakast leysir, ég sé ekki hvernig velja á fulltrúa fólksins, ég sé ekki af hverju öll reiði beinist að stjórnmálamönnum og seðlabankastjóra. Ef menn vilja beina reiði sinni eitthvað þá er það til þeirra sem settu okkur í þessa stöðu. Það á ekki að kenna lögreglu um gæsluleysi þegar maður sem ekur bíl á 200 km hraða veldur slysi. Það er ökumaðurinn sem er ábyrgur.

Sálartetrið okkar þarfnast jákvæðrar hugsunar nú og það er það sem fólk á að einbeita sér að og gleyma ekki að lítil börn hafa eyru. Sálfræðingur Skólaskrifstofu segir okkur að hugsa ekki of mikið um fortíðina né framtíðina, það geti valdið okkur hugarangri. Látum hverjum degi nægja sína þjáningu.

Guðni Gíslason

Leiðari Fjarðarpóstsins 4. desember
www.fjardarposturinn.is

Getum ekkert annað gert en að bretta upp ermarnar og vinna

Enn vitum við ekki hver lendingin verður í fjármálum þjóðarinnar. Gengið verður sett á flot og vonast er til að plástrarnir haldi á meðan sárin gróa en flestir búast við að krónan taki dýfu en allir vona hið besta. Nú sjáum við vel hvað jafnvægi er mikilvægt. Óeðlilegur uppgangur hefur ekki haft góð áhrif undanfarið og sparnaðurinn nú leiðir af sér samdrátt og atvinnuleysi þar sem áður var erfitt að fá fólk í vinnu. Öfgar eru aldrei af hinu góða og enn sannast máltækið að sígandi lukka sé best. Á meðan ekki fæst gjaldeyrir og fólk heldur fast í pyngjuna leita menn ráða við að versla ódýrt og selja það sem hægt er að losna við. Mikil ásókn er í húsin í jólaþorpinu og uppselt til jóla og sömu sögu er að segja af Kolaportinu. Nýr markaður við Kaplahraun verður opnaður um helgina ef leyfiskerfið leggur blessun sína á það og þar verða tugir bása og þar geta einstaklingar og fyrirtæki selt vörur sínar.

Kannski er núna loksins verið að kenna Íslendingum að spara. Strætó fagnar fjölgun farþega og bílaumferð minnkar og fólk ekur hægar en fyrr. Allt er þetta af hinu góða en ástæðan er grátleg. Fjárfestingafyllerí byggt á sandi skapaði auðmenn sem byggðu fleiri skýjaborgir sem féllu svo hver af annarri. Eftirlitsstofnanir sváfu, stjórnmálamenn sváfu en samt keppast allir við að segja, „hvað sagði ég“! Þeir sem sögðu þetta allt hrynja töluðu flestir af meiri öfund en fyrirhyggju og hefðu sjálfir spilað með hefði þeim verið afhent spil. Eftir sitjum við með framtíðina framundan og getum ekkert annað gert en að bretta upp ermarnar og vinna.

Leiðari Fjarðarpóstsins 27. nóvember 2008
www.fjardarposturinn.is

Húsfyllir eða gífurlegt fjölmenni

Ég verða að viðurkenna að ég hef einfaldlega ekki haft tíma til að fylgjast vel með mótmælum í höfuðborginni hvað þá að taka þátt í þeim ef mér sýndist svo.

Það skondna er ekki erfitt að sjá og fyrirsögn á forsíðu Morgunblaðsins ber af. "Gífurlegt fjölmenni" í Háskólabíói, segir í fyrirsögninni. Var fólkið svona gífurlegt? stórt, feitt, frekt eða dónalegt? Mbl.is skrifaði einfaldlega "Húsfyllir". Mér fannst þessi fyrirsögn mjög skondin.

Hitt var frétt af að krafist hafi verið að þjóðin, fólkið fengi að tilnefna í allar nefndir sem skipaðar væru vegna efnahagsástandsins. Hvað er þjóðin? Kaus þjóðin ekki þingmenn? Hver ætlar að velja fulltrúa þjóðarinnar? Þetta fannst mér reyndar ekki skondið. Þetta var arfavitlaust.

Talar hann í anda vantrúar?

Ekki átta ég mig á reykvíska fríkirkjuprestinum. Hvað vakir fyrir honum? Hann gengur miklu lengra en að kalla eftir að fríkirkjurnar sitji við sama borð og þjóðkirkjan - peningalega. Ég er fríkirkjumaður en geri enga athugasemd við ríkiskirkju. Ég hef valið. Ég skil peningahliðina að hluta en er séra Hjörtur Magni virðist vera að óska eftir að komast í stöðu þjóðkirkjunnar?

Kirkjan hefur hingað til liðið fyrir peningalegar eignir. Allar kirkjur (söfnuðir) leggja áherslu á veraldlegar eignir eins og kirkjubyggingar sanna svo rækilega. Kannski er ekki svo slæmt að fríkirkjurnar verði að skera við nögl og leita til safnaðarmeðlima sinna? Það þrýstir kannski á að hún sinni betur grundvallarstarfi kirkjulegs starfs í stað annars og dýrara sem oft er notað til að draga fjöldann í kirkjur.

Mér finnst sr. Hjörtur Magni leggja lóð á vogarskálar vantrúar með því að fagna úrsögnum úr þjóðkirkjunni. Trúin skiptir meira máli en umgjörðin eða gloría prestanna.

Fagnar úrsögn úr þjóðkirkjunni

Gerið nú betri samanburð!

Af hverju er alltaf miðað við síðasta ár? Við erum búin að upplifa öfgafullan uppgang þar sem sala á fasteignum hefur rokið upp úr öllu valdi og verðið sömuleiðis.

Væri ekki ráð að taka 5 ár til samanburðar og bera saman fjölda samninga og verð.

Við þurfum allt annað en svona villandi samanburð þegar mestu máli skiptir að við höldum sönsum og horfum björtum augum á framtíðina.

Einungis 35 fasteignir seldar á höfuðborgarsvæðinu

Leyfið þeim sem trúa að vera í friði

Nú líður að jólum og jólaskreytingar lífga upp á svartnættið, bæði hið raunverulega og það sem í hugum manna kanna að búa. Oft hefur verið rifist um hvenær jólaljósin mega sjást en nú held ég að allir fagni birtu ljósanna í svartasta skamm­deginu. En það eru fleiri ljós sem kvikna, því nú fer að bera á tilboðum um menn­ingar­viðburði auk þess sem kirkjurnar opna sem aldrei fyrr dyr sínar og bjóða fólki að koma í hlýja sál­ar og líkama. En sumir vilja bera skugga á gleði meiri­hlutans og vilja ala vantrú í hjörtu manna. Samtök sem segjast vera merkisberar frelsis reyna að brjóta það niður sem aðrir hafa byggt upp og skaðar engan. Það er hverjum sem er frjálst að trúa hverju sem er og enginn skjal gjalda trúarskoðana sinna. Íslendingar hafa verið taldir umburðarlyndir í trúmálum enda sennilega hvergi ann­ars­staðar meira sambland trúarskoðana innan hinna kristilegu safnaða. Óvíða annars staðar virðist viðgangast „eigin trú“ þar sem fólk hefur jafnvel blandað saman kristinni trú við trú á stokka og steina. Enginn hefur agnúast út í það.

Jólin eiga að vera hátíð ljóss og friðar og ég frábið mér að einhver reyni að taka slíkt frá mér.
Ég hvet bæjarbúa til að taka virkan þátt í bæjarlífinu, fara á listviðburði, íþróttaviðburði, bíósýningar, ganga um bæinn og njóta þess sem bærinn hefur upp á að bjóða. Kaffihús, mat­sölu­staðir og verslanir bjóða bæjarbúa velkomna. Það erum við sjálf sem búum til stemmningu í bænum okkar. Hittumst í miðbænum eða á gönguferðum um bæinn, bæinn okkar aldna.

Leiðari Fjarðarpóstsins 20. nóvember 2008

Hugsaðu þig um áður en þú hnerrar!

Á dv.is mátti lesa eftirfarandi frétt í dag:

„Hnerri kostaði mann næstum lífið

Höfundur: Ritstjórn DV ([e-mail])

Ótímabær hnerri kostaði Bandaríkjamanninn Andrew Hanson næstum því lífið í gær. Hinn 42 ára gamli Hanson var að aka á þjóðvegi í nágrenni Boston í þegar hann fór að kitla í nefið. Hnerrinn var það öflugur að Hanson missti stjórn á ökutæki sínu og keyrði á fullri ferð ofan í á sem var við veginn.

Hanson náði að komast út úr bílnum og synda í land og slapp með minniháttar meiðsli. Hann hugsar sig væntanlega tvisvar um áður en hann hnerrar næst undir stýri.”

Þeir eru greinilega mjög yfirvegaðir á ritstjórn DV að geta ákveðið alveg hvenær þeir hnerra og hvenær ekki.